Ish-ministri i Brendshëm i cili u shfaq sot gjithë pompozitet në Kuvend ndërsa lëshoi edhe një kërcënim për vetë kryeministrin me vetë fjalët e Ramës, sonte ka marrë celularin dhe po bën telefonata nga njëra studio në tjetrën. Tahiri nuk guxoi dot të telefononte në Vizion Plus aty ku intervistohej vetë kryeministri Rama për t’i thënë direkt ato që mendon për Ramën, por zgjodhi studio të tjera televizive.
https://tiranatoday.com/video-kur-tahiri-kercenon-hapur-ramen-fjalet-e-tij/
Fillimisht Tahiri telefonoi në emisionin “Opinion” duke theksuar se nuk do të heshtë pasi dëgjoi se kryeministrit Rama nuk ia ndjen për presionin e tij.
Më pas i ra telefonit të gazetares Eni Vasili në Studio e Hapur në News 24 duke thënë se nuk ia ndjen shumë për mbrojtjen e Ramës në procesin që prokuroria ka nisur ndaj tij si i përfshirë në trafikun e drogës midis Shqipërisë dhe Italisë duke shërbyer si mburojë e bandës së Habilajve.
https://tiranatoday.com/tahiri-nuk-me-plas-per-mbrojtjen-e-rames/
Gjithashtu, Tahiri duket se i druhet arrestimit nëse do të jetë pa mandatin e deputetit dhe kjo e ka frikësuar atë duke u kthyer në Kuvend për të mos djegur mandatin për shkak të mungesave në Parlament.
I pyetur nga panelistët e emisionit se a po e mbron njeri në Parlament dhe a ka frikë nga arrestimi Tahiri tha se “Nuk ka njeri në Parlament që më mbron mua”.
Ndërsa shtoi se gjithçka përflitet për arrestimin e mundshëm të tij po rrezikon të kthehet në një gjyq publik kur saktësoi se “Pse duhet të arrestohesha apo kot? Nuk e kuptoj pse ju duket si festë arrestimi im. Po nuk keni parë a ka prova apo jo?!”, saktësoi Tahiri.
Megjithatë, duket se Tahiri ka frikë nga lënia e mandatit se mos arrestohet duke qenë se një gjë të tillë ia kërkon me ngulm Edi Ramës edhe vetë Bashkimi Evropian si kusht për hapjen e negociatave.
Megjithëse shpjegoi se “Lënia e mandatit nuk ndikon për hetimet”, Tahiri u duk i trembur kur tha se “Është pa kuptim që të lë mandatin ndërkohë që hetimet vazhdojnë”.
Pavarësisht spektaklit politik që ka përfshirë rastin Tahiri, mbetet gjithçka për t’u parë deri në qershor kur përkon edhe me hapjen ose jo të negociatave të Shqipërisë me BE-në, se çfarë do të ndodhë realisht me Saimir Tahirin, për të cilin siç thotë edhe vetë deri më tani nuk ka asnjë bir nëne dhe asnjë bir k…që ta ndalojë të bëjë drejtësi.
Koha do të tregojë se drejtësia do të anojë nga Tahiri apo nga ajo që pretendon organi i akuzës dhe gjithçka është përfolur për të në publik.
TIRANA TODAY
