Kryetari i Partisë Socialiste të Tiranës, Saimir Tahiri, deklaroi sot se Shqipëria mund të ecë përpara edhe pa opozitën e sotme. Duke folur në një takim më të rinjë të Njësisë 5, që votojnë për herë të parë në këto zgjedhje, Tahiri e vlerësoi rolin e këtij brezi edhe më të rëndësishëm se atë të opozitës për të ardhmen e vendit.
“Thonë se Shqipëria nuk mund të ecë përpara në qoftë se nuk janë edhe ata aty. Në fakt Shqipëria sigurisht që mund të ecë përpara. Nuk ka nevojë për ata. Shqipëria ka nevojë për të rinj dhe të reja që vendosin për fatin e tyre. Nuk ka nevojë për njerëz që duan ta mbajnë peng”, u tha ai të rinjve në këtë takim.
Sakaq, kreu socialist i Tiranës akuzoi opozitën se po mban peng jo vetëm të tashmen por edhe të ardhmen e vendit, ndaj tha ai, me votën e 18 qershorit do t’i jepet fund gjeneratës së politikës së vjetër.
