Ish-ministri i Brendshëm Saimir Tahiri i ka dorëzuar sot një projektligj Kuvendit të Shqipërisë për dhunën ndaj kafshëve, por edhe në tërësi si dhe për ndryshimin e Kodit Penal në lidhje me dënimet për trafikantet e drogës.
‘I dorëzova sot Kuvendit një projektligj për të ndaluar fenomenet e dhunës që kanë të bëjnë vetëm me kafshët por edhe me dhunën në tërësi. Ai që dhunon një kafshë sot dhunon patjetër një familje. I kam rikujtuar Parlamentit ndryshimet ne Kodin Penal për kultivimin e trafikimin e drogës, të pashembullt është vetëm Shqipëria vendi ku lejohet të dënohet njëlloj ai që kapet me 1 gram dhe ai që kapet duke trafikuar tonelata hashash, si ai që kultivon 10 rrënjë hashash si ai tjetri që kultivon hektarë të tëra.
Kjo ka shërbyer si një mënyrë për të pasur më shumë padrejtësi dhe korrupsion ne gjykata, duke lëshuar nga duart ata që kanë mundësi të korruptojnë gjykatën. Parlamenti të dalë nga heshtja pas më shumë se sa 1 vit dhe t’i marrin në shqyrtim pa pritur më shumë kohë. S’na falet si shoqëri të ketë një drejtësi ndryshe për ata që s’kanë mundësi dhe ndryshe për ata që arrijnë ta korruptojnë”, tha Tahiri.
