Ish-ministri i Brendshëm, Saimir Tahiri tha sonte se nuk i intereson fare nëse kryeministri Edi Rama apo Partia socialiste do ta mbronte apo jo. Në një lidhje telefonike në emisionin “Studio e Hapur”, në “News 24”, Tahiri deklaroi se duhet mbështetja e askujt, por i duhet e vetëm e vërteta e tij.
Gjithashtu, Tahiri tha se në parlament nuk ishte vetëm dhe do të rikthehet atje sa herë që të ketë diçka për të folur.
Tahiri: Unë di të vërtetën time dhe jam i përkushtuar për të vertetën time. Unë nuk kam ikur nga politika, për të respektuar një proces që është ngritur një akuzë ndaj meje.
Për mua është më e rëndësishme që t’i shkoj të vërtetës time deri në fund. Nuk më duhet mbështetja e askujt më duhet e vërteta ime.
Kam qëndruar për një kohë të gjatë vetëm dhe nuk e kam problem. Në parlament nuk isha vetëm. Takova kolegët e mi. Unë kam shumë miq në partinë socialiste dhe jashtë saj që nuk kushtëzohën ndaj hetimit ndaj meje.
Sa herë që te kem diçka për të folur do të shkoj në parlament.
Unë nuk kam asnjë lloj imuniteti. Nuk kam imunitet parlamentar. Është sqaruar kjo çështje dhe nuk ka arsye që ti kthehemi pas.