“Ndaj Saimir Tahirit nuk ka asnjw procedim penal nga prokuroria e Katanias”, deklaroi avokati i Saimir Tahirit, Maks Haxhia. Në një lidhje telefonike në studion e emisionit ‘Opinion’, Haxhia tha se nga Prokuroria e Katanias nuk ka asnjë informacion zyrtar që ndaj Tahirit të jetë regjistruar procedim.
Haxhia tha se janë njohur me dosjen e plotë dhe deri tani “nuk ka asnjë provë direkte apo indirekte që të implikojë Tahirin”.
Lidhur me përgjigjet e fundit të publikuara në media ku flitet edhe për një dhuratë, kostum ‘Hugo Boss’, avokati Haxhia tha se “Tahiri nuk ka qenë fare në dyqanin e ‘Hugo Boss’”.
I pyetur se përse Saimir Tahiri ka kontaktuar një studio ligjore në Katania edhe pse nuk është nën hetim, Haxhia bëri të ditur se studio është kontaktuar që “të jetë në kontakt me autoritetet për të qenë të gatshëm për të sqaruar pozicionin e Tahirit nëse do të jetë e nevojshme”.
