Ish-ministri i Brendshëm, Saimir Tahiri ka theksuar në “Opinion” se nuk ka mundur të blejë politikanët e fuqishëm si Presidentin Ilir Meta, për t’ia hedhur burgut. Tahiri la të kuptohet se Meta që vodhi në tenderë dhe koncesione ia hodhi paq, ndërsa shumë të tjerë sipas tij nuk ka mundur që t’i blejë ndaj po e burgosin.
A nuk e keni diskutuar këtë çështje në grupin tuaj parlamentar?
Nuk e kam sot kohën të merrem me këtë punë. Unë sot e kam kohën që të merrem me familjen time. Nuk dua t’ia di fare për të tjera.
A keni marrë mbështetje nga kryeministri dhe a do t’ia kërkoni kryeministrit?
I kam kërkuar vetë që nuk dua asnjë mbrojtje të pamerituar dhe nuk dua asnjë lloj imuniteti politik dhe asnjë lloj mburoje nga askush. Sot do kisha mundësi më shumë miq, dhe do të zgjidhja kronikat televizive. Unë kam zgjedhur të sakrifikoja duke bërë detyrën dhe duke pasur më pak miq. Kjo është Shqipëria, ky janë mohuar vëllezërit, motrat, gratë dhe ku kanë dalë dhe thonë që nuk njohin baxhanakut. Kjo është Shqipëria.
Kush mbron kë?
Djali i ish-kryeministrit nuk është thirrur njëherë kur fliste me administratorin e Gërdecit për 30 minuta dhe unë që përmendem në një bisedë telefonike. Unë po shkoj në burg dhe burg i mbarë qoftë. Kjo është Shqipëria ku ai numëron fletët e bllokut, i cili del dhe unë shkoj në burg se përmendem në një bisedë. Kjo është Shqipëria ku politikanët nuk kanë mbajtur përgjegjësi për asgjë. Kanë blerë dhe kanë ruajtur njëri-tjetrin. Po t’i blija unë do të isha i paprekshëm dhe nuk do të guxonte njeri.
