Ish-ministri i Brendshëm, Saimir Tahiri ka postuar para pak minutash në rrjetin social Facebook.
Tahiri ka publikuar një foto me gazetarët, menjëherë pas daljes nga Prokuroria e Krimeve të Rënda, ku tha se nuk donte që historia e tij të kthehej në një histori debati politik.
Deputeti shkruan shkurt se rruga për të vërtetën vazhdon, ndërsa falendëroi të gjithë mbështetësit.
“Rruga për të vërtetën vazhdon, çdo ore, çdo ditë…deri në fund! Faleminderit të gjithëve”, shkruan Tahiri në Facebook.
Sot, deputeti u paraqit në Prokurorinë e Krimeve të Rënda, ku u mor në pyetje për më shumë se dy orë, pasi akuzohet se është i përfshirë në trafikun e drogës nga Shqipëria në Itali, si bashkëpunëtor i vëllezërve Habilaj.
Aktualisht, Tahiri është një deputet i lirë, deri sa të përfundojën hetimet dhe të jepet vendimi final nga Prokuroria e Krimeve të Rënda.
Ndërkohë, kjo e fundit kërkoi heqjen e mandatit dhe arrestimin e Tahirit, kërkesë kjo që u rrëzua nga mazhoranca.
