Ish-ministri i Brendshëm, Saimir Tahiri, pritet të dalë ditën e sotme para gazetarëve, në një konferencë shtypi të paralajmëruar.
“1 vit heshtje. Sot kam disa gjëra për të thënë! Shihemi në 11.oo, live këtu”, shkruan ai në Facebook.
https://tiranatoday.com/sot-tahiri-thyen-heshtjen-cfare-do-te-kerkojne-ish-ministri/
Konferenca e parashikuar, pritet të mbahet në hotel ‘Rogner’ në orën 11:00. Kujtojmë se ditën e hënë, Tahiri dorëzoi në Prokurorinë e Krimeve të Rënda dokumente nga Italia, që sipas tij, janë deçizive për hetimet ndaj tij.
Dokumentet dyshohet se do të rrëzojnë pretendimit e Prokurorisë, se ai është i përfshirë në çështjen e “Habilajve”.
“Dorëzova një provë që e quaj deçizive për procesin. Kam mbi 1 vit që dëgjoj dhe kam heshtur. Prisni edhe pak”, u shpreh ish-ministri dy ditë më parë.
