Në një prononcim për mediat, pas mbledhjes me Ramën, kryetari i grupit parlamentar demokrat, Myslim Murrizi, deklaroi se i kanë bërë të qartë se nuk mund të kalojë në Kuvend Reformën Zgjedhore me vota të trafikuara. Pas një takimi që zgjati gati dy orë, Murrizi foli për tentativa për trafikim votash.
“Harroje që mund të kalosh një Reformë Zgjedhore me vota të trafikuara. Trafikimi nuk është vetëm aset i kryeministrit Rama, por është bërë një aset dhe i partive të tjera pjesëmarrëse në Këshillin Politik që kanë interes për të kaluar këtë reformë. Unë e di që duhen 84 vota. Rama ka tani vetëm 77 mandate. Unë kam hall që të gatuajnë një gjellë të mirë për shqiptarët. Do të ketë radikalizim.
Hapja e listave dhe administratë zgjedhore jo politike, janë dy kushtet e panegociueshme të opozitës parlamentare”.
