Të shtunën do të zhvillohet supesfida e Serie A, që do të vejë përballë Milanin dhe Juventusin. Dy ekipe që kanë shkruar histori në kampionatin italian, por që momentalisht nuk janë në nivele të njëjta. Milani vjen nga një seri e gjatë rezultatesh negative dhe vetëm një ditë më parë arriti të fitojë përballë Genoas. Ndërsa Juventus nga ana tjetër kaloi një minikrizë, por kualitetet që ka në ekip bëjnë që të moj zgjasë për shumë kohë.
Suso po shkëlqen në ndeshjet e fundit që ka zhvilluar Milan dhe ka gjetur rrugën e rrjetës disa herë. Ai ka ndaluar të flasë për ndeshjen e fundjavës dhe është shprehur optimist se kuqezinjtë do të marrin një rezultat pozitiv. Është shprehur se kriza tek Milan ka kaluar dhe tani jemi më të qetë në për të treguar fuqinë e vërtetë që kemi, në fushën e lojës. Jemi të vetëdijshëm për vështirësinë që ka kjo sfidë, por besojmë se nuk do të dalim pa pikë pasi luajmë në “San Siro”.
“Ne kishim nevojë për fitore (ndaj Genoas) për të fituar besim. Kundër Juventusit duhet të tregojmë më shumë se po rritemi dhe po përmirësohemi. Ne e dimë se jemi një skuadër e fortë, duhet të japim 100 për qind, por fitorja ndaj Genoas do të na shërbejë mirë. Kemi më shumë besim, të shtunën duhet të jemi kompakt dhe të luajmë si ekip. Pastaj sigurisht ne jemi në San Siro, stadiumin tonë”, ka thënë Suso për mediat italiane.
Juventus është një ekip që ka fituar ndër vite dhe normalisht që janë mjaft të organizuar dhe janë më të fortë se ne. Shpresoj që të shënoj gol në këtë ndeshje dhe të ndihmoj ekipin drejt suksesit, pasi vetëm nëse jemi të bashkuar mund t’ia dalim.
“Çdo gjë mund të ndodhë, ata janë shumë të organizuar dhe duhet të jemi të bashkuar kur ata kanë topin. Do të përpiqemi të luajmë dhe të marrim të paktën një pikë. Mendoj se ata janë më të fortë se ne, nëse jo, do të ishim mbi ta. Ne duhet t’i mposhtim ekipet më të vogla në San Siro, dhe kjo mund të ndodhë edhe kundër ekipeve të mëdha. Të gjithë duam të fitojmë të shtunën, por barazimi është minimumi. Çfarë do të bëj nëse fitojmë? Do të shkoj në këmbë në shtëpi! Kuptohet se unë jetoj vetëm 50 metra larg nga stadiumi … Është e rëndësishme të fitojmë të shtunën”, përfundoi anësori spanjoll.
https://www.youtube.com/watch?v=AxcDJ3ihZHU&ab_channel=FootballVS
