Revista “Time” që prej vitit 1927 përzgjedh personalitetin e vitit. Kjo përzgjedhje nuk ka munguar as këtë vit ku “Njeriu i Vitit 2017”, është zgjedhur lëvizja “The Silence Breakers”.
“The Silence Breakers” është një lëvizje e cila ka për qëllim që të denoncohen rastet e abuzimeve seksuale.
Ata Kanë ndikuar kudo në botë me historitë e tyre. Nën hashtagun MeToo shumë gra nga e gjithë bota, të famshme apo jo kanë rrëfyer historitë e tyre, ku janë ngacmuar në vendet e punës nga eprorët apo kolegët.
Vitin e kaluar këtë çmim e mori Presidenti i SHBA-ve Donald Trump, i cili ishte kandidat edhe këtë vit por u rëndit i dyti teksa i treti ishte presidenti i Kinës Xi Jinping.
‘Njeriu i Vitit’ nuk është një çmim vetëm për personat që kanë ndikuar pozitivisht në shoqëri por ata që kanë pasur më shumë ndikim.
