Ditën e sotme po mbahen zgjedhjet vendore, të bojkotuara tashmë nga opozita e bashkuar jashtë parlamentit. Presidenti Meta shfuqizoi dekretin e zgjedhjeve, megjithatë ai u sfidua nga kryeministri Rama i cili vendosi t’u shkojë deri në fund, duke mos e njohur dekretin e shfuqizimit.
Meta ka bërë thirrje herë pas here për qetësi, ndërsa apeloi që të shmanget dhuna dhe që shqiptarët të tregohen të mençur.
Sot, presidenti ka zgjedhur që të relaksohet, ndërsa ka pasur edhe një surprizë të këndshme teksa është takuar, si duket rastësisht, me lojtarin Klodian Duro.
“E si mund të kalohej e diela dhe pa pak futboll. Surprizë e bukur të kaloja sot disa momente me yllin e Kombëtares sonë, Klodian Duro”, shkruan Meta në Facebook, teksa publikon foto.
