Mbyllet pjesa e parë e supesfidës Skënderbeu-Partizani në rezultatin e pastër pa gola. Një ndeshje që vendasit e kanë nisur me një intensitet mjaft të lartë dhe janë më kërkues për të sulmuar. Nga ana tjetër Partizani duket si ekip i ‘çoroditur’ që nuk arrin të organizohet në mënyrën e duhur. Formacioni i teknikut Daja provon të surprizojë portierin Hoxha por nuk arrin, është Gavazaj që tenton me një goditje të bukur por topi prek shtyllë. Shpërthimet nga krahët janë të shumta por që nuk arrijnë të dërgohen në zonë të saktë për tu shfrytëzuar nga Sowe apo shtatlartët e tjerë të korcarëve. Edhe Muzaka ka një shans të pastër por vonon në goditje dhe humb befasia dhe neutralizohet nga mbrojtja e kuqe.
Partizani përpiqet të hidhet në sulm me Çanin por që i vetëm nuk arrinë të bëjë asgjë, në një rast të pastër Çani pason topin i cili kalon gjithë pasqyrën e portës por nuk është askush që ta devijojë në rrjetë. Mbas minutës së 35’ edhe Partizani gjenë kombinimin për të qenë të rrezikshëm. Është trashi dhe Progni të cilët harkojnë disa topa të mirë në zonë, por që mbyllen shpejt nga korcarët. Në këtë pjesë të patë u duk qartë dominimi i Skënderbeu, por nga fundi ishte Partizani që po sulmonte. Janë edhe 45’ minuta për tu shijuar dhe për ku vendosur se kush do të dalë fitues nga kjo kryendeshje, apo do të ndahen në barazim. /Tirana Today
