Edhe pse nuk ka ende një përgjigje zyrtare nga qeveria, presidenti i FSHF-së, Armand Duka shprehet i bindur se futbolli do të rikthehet më 3 qershor.
Kjo është edhe data që u caktua pas takimit të Federatës me përfaqësuesit dhe presidentët e klubeve të Superligës.
Në një intervistë për median italiane “Tuttomercatoëeb”, Duka tregon detaje të tjera në lidhje me këtë çështje.
Sipas tij, duke nisur nga dita e hënë skuadrat do të stërviten në grupe, ndërsa nga 7 qershori do të nisin edhe ndeshjet për Kategorinë e Parë dhe të Dytë.
“Në këtë moment jemi ndalur. Që nga data 9 mars nuk kemi zbritur në fushë. Javën e ardhshme, duke nisur nga e hëna e 18 majit do të nisin seancat në grup, ndërsa nga 3 qershori nisim me Superligën. Më pas, nga 7 qershori edhe me Kategorinë e Parë dhe të Dytë”, ka thënë ai.