Të ndihesh i mbaruar ose gati i tillë në moshën 28-vjeçare, kur 6 vite më parë ishte në majën e botës.
Kjo është historia e çuditshme e Mario Gëces, i cili në verën e 2014-ës, i dhuroi Gjermanisë Botërorin me golin e tij kundër Argjentinës në finale, por që këtë vit thuajse përfundoi i harruar.
Për të, një eksperiencë jo e shkëlqyer te Bajerni për shkak të një problemi shëndetësor dhe rikthimi i trishtë te Dortmundi, që nuk shkoi ashtu siç pritej. Deri në pikën sa gjatë verës erdhi lamtumira dhe tashmë mesfushori po ritenton të riniset nga PSV.
Për “Bild”, ai zbulon se gjërat po shkojnë shumë mirë, madje zbulon edhe prapaskenën se Bajerni ritentoi ta transferonte. “Në verë fola me Bajernin në mënyrë shumë të hapur për të ardhmen time dhe ata më thanë se cilat ishin planet e tyre. Më shpjeguan se kanë një mendim pozitiv për mua jo vetëm si futbollist, por edhe si njeri dhe kështu që do të më kishin marrë me kënaqësi”.
Por, në fund marrëveshja nuk u arrit pavarësisht se ka një marrëdhënie të mirë mes Flikut dhe Gëces
