Ish-kyeministri i është përgjigjur akuzave të kryetarit të Partisë Demokratike, Lulzim Basha, ku tha se Berisha ka pasur si qëllim t’ja dorëzojë partinë Ilir Metës. Berisha tha se Bashës nuk mund ti besohet, pasi thotë vetëm gënjeshtra.
“A mund ti përgjigjesh një njeriu që në dy fjalë thotë tre gënjeshtra? U servir ju jo 7 x 7 bëjnë 42, 1958 për 5004 dhe njeriut që rri i rrethuar si në bunker”, deklaroi Berisha në hyrje të Kuvendit.
Për kandidatatët e Lulzim Bashës, Berisha zgjodhi të mos prononcohej, ndërsa shtoi se anëtarësia e PD zgjodhi vetë kandidatët e saj.
“Komente personel për të nuk kam. Ata janë faktikisht janë kandidatë të Lul bravës dhe s’kanë asgjë me anëtarësinë. Anëtarët e PD kanë sot kandidatët e propozuar prej tyre”, tha Berisha.
Koalicionin që Berisha pagëzoi me emrin “Shtëpia e Lirisë”, Lulzim Basha e cilësoi “Shtëpia e Ilirit”, që sipas tij, nuk është gjë tjetër veçse një mburojë për hallet personale të tyre.
Për kryedemokratin Basha, u tregua qartë se Sali Berisha në 8 janar nuk ka pasur si qëllim që të marrë selinë e PD-së për vete, por për t’ia dorëzuar partinë Ilir Metës.
“Sa herë që ne dalim dhe themi të vërteta për Trekëndëshin e Bermudës, çohet trekëndëshi dhe fillon sulmin, i pari, i dyti, i treti nga njëherë ngatërrojnë radhën por nuk harrojnë asnjë ditë, të tre dalin me sulme. Po shumë mirë hajde bëjmë Vetting, të tregosh me gisht ti kështu, ti kështu, ti kështu, me fakte çdo denoncim i ynë është i bazuar mbi fakte, çdo kundërsulm i tyre që bëhet për tu mbrojtur është me gënjeshtra dhe shpifje dhe mashtrime”, u shpreh Basha.
