Persona të panjohur kanë thyer sot dritaret dhe kanë shkruar mbishkrime kërcënuese ndaj serbëve në një shkollë në fshatin Uglarë të Fushë Kosovës, ka thënë drejtori i shkollës Goran Joviq.
Disa persona të paidentifikuar kanë thyer xhamat e dritareve dhe kanë shkruar mbishkrime provokative dhe kërcënuese ndaj serbëve në një shkollë në Fushë Kosovë.
Ngjarja ka ndodhur në fshatin Uglarë, ndërsa ngjarjen e ka njoftuar vetë drejtori i kësaj shkolle, e cila ka rënë “pre” e sulmeve, ndërsa ngjarja është shënuar në orët e para të mesditës.
Drejtori i shkollës Goran Joviç tha se serbët që jetonin në afërsi të shkollës e raportuan rastin.
“Unë menjëherë kontaktova Policinë e Kosovës në Graçanicë, të cilët erdhën dhe kontrolluan videon dhe njoftuan se do të ktheheshin në mëngjes për të marrë video-materialet”, tha Joviç, shkruan media serbe N1 Info.
Pasi janë thyer dritaret, në muret e kësaj shkolle janë shkruar mbishkrime kundër serbëve, si: vdekje serbëve. Po ashtu në mural është shkruar edhe “Kosova është Shqipëri” dhe “UÇK, UÇK”. Në fshatin Uglarë të Fushë Kosovës jetojnë rreth 350 serbë.
