E enjte, 2 Dhjetor, 2021
7.5 C
Tirana

Sulmi terror*st në Kabul/ Biden: Ne do t’ju bëjmë të paguani

Presidenti amerikan Joe Biden premtoi të enjten se do të shkatërrojë terroristët e ISIS-K, të cilët vranë 13 punonjës të shërbimit amerikan dhe dhjetëra afganë në një sulm të dyfishtë vetëvrasës në aeroportin e Kabulit. Ai lëshoi kërcënimin për hakmarrje mbrëmjen e djeshme, ndërsa iu bashkua Boris Johnson duke u zotuar se do të vazhdonte përpjekjet e evakuimit, pavarësisht një rreziku ‘të vazhdueshëm’ të bombardimeve të mëtejshme nga grupi terrorist, i cili është një armik i talebanëve që janë në kontroll të vendit.

Grupi xhihadist, një goditje e organizatës terroriste Shteti Islamik (IS), mbrëmë mori përgjegjësinë për bombardimin e dyfishtë, i cili besohet se ka vrarë të paktën 90 njerëz dhe plagosur më shumë se 150 të tjerë.

Biden dha një paralajmërim të ashpër për shtetin Islamik pas shpërthimeve që vranë 11 marinsa amerikanë, një mjek i Marinës dhe një anëtar tjetër i shërbimit që kontrollonte të evakuuarit në portat e aeroportit.

Dy vendet e shënjestruara në bombardimet ishin Porta e Aeroportit Ndërkombëtar ‘Hamid Karzai’, ku trupat amerikane po kontrollonin afganët për evakuim, dhe Hoteli Baron aty pranë, ku mijëra afganë, britanikë dhe amerikanë, ju thanë të mblidheshin ditët e fundit para se të niseshin.

Pentagoni paralajmëroi se ekziston ende një kërcënim i menjëhershëm i sulmit në aeroport, dhe tani i është thënë që të hartojë plane sulmi për të goditur asetet dhe udhëheqjen e ISIS-K, pavarësisht se është në procesin e tërheqjes së të gjitha forcave të tij nga Afganistani.

“Për ata që kryen këtë sulm, si dhe për këdo që i dëshiron dëm Amerikës, dijeni këtë: Ne nuk do të falim, nuk do të harrojmë,” tha Biden në një fjalim në Shtëpinë e Bardhë. “Ne do t’ju gjuajmë dhe do t’ju bëjmë të paguani”.

Burimi i lajmit: Dailymail. Përshtatur nga Tirana Today

- Reklama -

Më shumë nga kategoria




Të fundit

1000 kurthe dhe teli me gjemba

Nga: Frrok Çupi Foltoret e këtij po duken e po zhduken ‘gëmushave’ në një marshim si iriqi. Sot ndodhet në Tropojë. 24 vjet më parë...

12 milionë gjermanë të pa vaksinuar/Spahn: Sistemi shëndetësor do mbingarkohet

Numri i njerëzve të pa vaksinuar në Gjermani është ende aq i madh, sa rrezikon të mbizotërojë sistemin shëndetësor të vendit. Ky paralajmërim ka...

Një marrëveshje globale për parandalimin dhe reagimin ndaj pandemisë

Një marrëveshje globale për parandalimin dhe reagimin ndaj pandemisë, është një hap më afër. Organizata Botërore e Shëndetësisë (OBSH), ka rënë dakord të fillojë...

Irlanda raporton rastin e parë të Omicron

Irlanda ka raportuar rastin e saj të parë të variantit të koronavirusit Omicron, thuhej në një deklaratë nga Ekipi Kombëtar i Emergjencave të Shëndetit...

Atdheu thumbon Donaldin dhe Borën

Donaldi shprehu hapur ndjenjat për Beatrix Ramosajn, duke lënë pas në këtë formë historinë me Borën. Ish-konkurrenti i “Përputhen”, Atdhe Xharavina, e ka ironizuar këtë...