Kancelarja gjermane, Angela Merkel ka reaguar për herë të parë pas sulmit të militantëve islamikë që vranë 13 persona në Barcelonë. Ajo ka shprehur mbështetjen e Gjermanisë në krah të Spanjës, dhe vendosmërinë e saj për të mos lejuar sulmet terroriste të marrin jetë njerëzish.
“Këto sulme vrastare na treguan edhe njëherë përbuzjen e madhe ndaj njerëzimit që sundon mes terrorizmit islamik. Jemi të gjithë të bashkuar në vendosmërinë tonë për të mos i lejuar këta kamikazë, që të na ndalin të jetojmë me stilin tonë të jetesës”, tha Merkel.
Ajo shtoi se Barcelona, në veçanti, shquhet për tolerancë, bukuri dhe për takimet paqësore mes njerëzve të kulturave të ndryshme.
“Terrorizmi mund të na shkaktojë disa orë të hidhura dhe të tmerrshme, siç ndodhi së fundi edhe në Spanjë, por nuk mundet kurrsesi të na mposhtë”, shton kancelaria Merkel.
Merkel njoftoi se i ka shprehur ngushëllimet e popullit gjerman kryeministrit spanjoll, Mariano Rajoy. Ajo tha gjithashtu se ka folur edhe me përfaqësuesit e partive të tjera në Gjermani, e së bashku kanë vendosur që të vijojnë fushatën zgjedhore përpara zgjedhjeve të 24 shtatorit, por duke hequr dorë nga muzika më zë të lartë në shenjë zie për viktimat e sulmit të djeshëm.
