Prokuroria për Krime të Rënda ka dhënë ditën e sotme pretencën për Suel Çelën, Enea Bekteshin dhe Kelmend Xhaferrin.
Gjatë leximit të pretencës u konstatuan ndryshime, duke rrëzuar vrasjen e punonjësit të policisë mbetur në tentativë në shtator të vitit 2017.
Kësaj radhe, Prokuroria pohoi se gjatë shqyrtimit nuk u gjet e provuar se Çela dhe Bekteshi tentuan të vrisnin punonjësin e policisë. Por u gjet e provuar akuza se kanë kundërshtuar punonjësit e policisë dhe i kanë goditur për shkak të detyrës.
Për këtë vepër penale, Prokuroria kërkoi që Çela të dënohet me 7 vite burg, ndërsa Bekteshi me 6 vite.
Për rastin e Kelment Xhaferrit u kërkua shpallja e fajshme e tij për tri vepra të tjera. Bëhet fjalë për “Armë mbajtje pa leje”, “Largim i të burgosurit” dhe “Mbajtja e lëndëve plasëse”, teksa kërkoi dënimin me 6 vite burg.
Përfaqësuesi i akuzës renditi dëshmi, pamje filmime dhe rezultatet të ekspertimeve për materialet biologjike të gjetura në makinë si prova kundër të pandehurve.
