Mbrëmjen e sotme në shenjë solidarizimi me gazetaren Klodiana Lala, përfaqësues të shoqërisë civile dhe kolegët e saj gazetarë protestuan para kryeministrisë.
Me pankarta në duar ata dënuan sulmin me armë ndaj shtëpisë së prindërve të saj.
Gazetarët dhe përfaqësuesit e shoqërisë civile mbajtën disa fjalë të shkurtra para medias.
Në orët e para të mëngjesin e sotëm (30 gusht 2018)persona ende të paidentifikuar sulmuan me kallashnikov banesën e prindërve të gazetares që mbulon lajmet në fushën e drejtësisë dhe aktualitetit, Klodiana Lala.
Sipas policisë në momentin e të shtënave me armë, gazetarja Klodiana Lala nuk ndodhej në banesë, por në shtëpi kanë qenë prindërit dhe dy vajzat e saj të mitura. Në muret e banesës shenjat e plumbave janë të dukshme ndërsa kryetari i PD-së në prononcimin për median tha plumbat kishin goditur dhomën ku flinin vajzat e gazetares.
