Grupi Al-Kaida ka marrë përgjegjësinë për sulmin me armë zjarri në fillim të dhjetorit në një bazë ushtarake amerikane në Pensacola, Florida.
Lajmin e bëri të ditur ueb faqja islamike SITE. Si pasojë e këtij sulmi mbetën të vrarë tre marinarë.
“Në regjistrimin audio të drejtuesit të saj, Kasima al Rimi, AQPA mori përgjegjësinë për sulmin e dhjetorit 2019 në bazën ajrore detare në Pensacola”, thuhet në njoftimin e publikuar në faqen islamike.
FBI përcaktoi që nënkoloneli i Forcave Ajrore Saudite, Mohammed Saeed Alshamrani, 21 vjeç veproi i vetëm në sulmin e 6 dhjetorit, ndaj bazës detare amerikane në Pensacola, përpara se të vritej nga policia.
Alshamrani i cili ishte në stërvitje ushtarake në Shtetet e Bashkuara vrau 3 persona dhe plagosi shtatë të tjerë.
Në Shtetet e Bashkuara trajnohen cdo vit rreth 850 sauditë. Baza Pensacola, e cila strehon rreth 16,000 trupa, përdoret nga marina e SHBA për të trajnuar trupat aleate.
