Ministri i Mbrojtes Niko Peleshi teksa foli lidhur me sulmin kibernetik ndaj faqeve zyrtare të qeverisë, tha se këto janë probleme që po ndodhin gjithandej. Sipas tij, jemi në kohën kur lufta kibernetike nuk është më një domein i së ardhmes, është i së sotmes. Peleshi ka argumentuar më tej se prishja e ekuilibrave të rendit botëror pas agresionit rus ka lëkundur të gjitha balancat, e po ndryshon rendin e gjeopolitikën. Në të njëjtën kohë ka paralajmëruar se sulme të tilla do të ketë edhe në të ardhmen.
“Në rastin e sulmit të fundit kibernetik, nuk kanë qenë të targetuara dhe nuk kanë arritur të depertojnë në sistemet tona të mbrojtes. Po i konfirmoj publikut të gjerë se asnjë nga sistemet tona të Mbrojtes dhe Forcave të Armatosura nuk është prekur e nuk kanë ndaluar në asnjë sekond.
E kunderta e vërtetë për sulmin që tashmë të gjithë e njohin, por unë nuk mund të zbardh detaje në lidhje me kundërofensivën kibernetike, edhe për shkak se është një punë në proces. Këto janë probleme që po ndodhin gjithandej. Jemi në kohën kur lufta kibernetike nuk është më një domein i së ardhmes, është i së sotmes.
Prishja e ekuilibrave të rendit botëror pas agresionit rus ka lëkundur të gjitha balancat e po ndryshon rendin e gjeopolitiken. Ne jemi të vetëdijshëm që do të ketë dhe në të ardhmen, madje ka vazhdimisht, do të ketë sulme të tilla. Po bëhet më e mira, po bëhen diskutime të thelluara në komitetin përkates të mbrojtjes kibernetike, në qeveri e në secilën prej institucioneve relevante për të ndërtuar mure”, tha Peleshi.
