Deputeti Ervin Salianji ka replikuar në Kuvend me zëvendës kryeministren Balluku, teksa ka theksuar se vetëm Shqipëria ka dështuar nga sulmet, pasi vendet e rajonit nuk kanë pësuar një rrjedhje të tillë të dhënash. Me tone ironike, ai tha se asnjë shteti tjetër nuk i kanë rënë ‘pantallonat’ si Shqipëria. Në të njëjtën kohë, ai deklaroi se sulmi nuk mund të mbulohet me propagandë.
“Zëvendës kryeministrja Balluku përgënjeshtron Ramën. Se ky mbronte AKSHIN dhe nuk ka pranuar se agresioni kaq i madh ka ndodhur dhe Shqipëria të ketë dështuar.
Ne kërkojmë që të mbahen përgjegjës, edhe Rama që mashtron dhe ata që kanë qenë përgjegjës për këtë që nuk kanë mbrojtur. Vendet e rajonit e kanë përballuar.
Vetëm Shqipëria ka dështuar. Asnjë shtet tjetër nuk i kanë rënë pantallonat si Shqipëria. Se mundohen ta mbulojnë me propagandë. Sulmi nuk mbahet dot me përgjigje të dështuara”, tha Salianji.
Ministrja Balluku në kundërpërgjigje ndaj Salianjit theksoi se Shqipëria nuk ka humbur asnjë të dhënë.
“Asnjë e dhënë nuk është zhdukur nga sistemi, këtë ka thënë Rama. Ky sulm ka pasur si synim fshirjen totale të të dhënave por nuk ia kanë dalë. Ky është sulm zero Clear. Fakti që të dhënat janë dhe ekzistojnë. Pavarësisht 4 grupeve që kanë punuar për muaj të tërë dhe pavarësisht financimit të madh të atij shteti. Mos e përdor opozita këtë për abuzime narrative”.
