Dy pjesëtarë të kontingjentit ushtarak të ushtrisë turke në provincën lindore Bitlis, kanë humbur jetën gjatë një sulmi me bombë të kryer nga organizata terroriste PKK, raporton AA.
Sulmi ndodhi në autostradën Tatvan – Hizan, ndërsa nga shpërthimi i fuqishëm humbën jetën dy ushtarë dhe u plagos një civil.
Organizata terroriste PKK gjendet në listën e organizatave terroriste në Turqi, SHBA dhe Bashkimin Evropian.
Përveç Turqisë, PKK-ja vepron edhe në veri të Irakut dhe Siri nëpërmjet degëve të saj PYD/YPG. Flitet për një organizatë e cila më shumë se tre dekada zhvillon sulme të armatosura kundër Turqisë. Vetëm në 2 vitet e fundit kanë humbur jetën më shumë se 1.200 persona, duke përfshirë anëtarë të forcave turke të sigurisë dhe civilë.
