Të paktën 6 persona kanë mbetur të plagosur si pasojë e disa të shtënave me armë zjarri, në një “baby shower”, në Çikago të Shteteve të Bashkuara të Amerikës.
Autorët ende të paidentifikuar kanë hapur zjarr duke plagosur edhe fëmijë. Një djalë 8-vjeçar dhe një vajzë 10-vjeçare u qëlluan gjatë sulmit, raportojnë mediat amerikane. Të lënduar mbetën edhe tre burra midis moshës 23-48 vjeç dhe një grua 29-vjeçare.
Nga të dhënat e fundit mësohet se një nga të plagosurit është në gjendje kritike, ndërsa dy të tjerët janë jashtë rrezikut për jetën.
Policia ka nisur hetimet, por ende nuk dihen shkaqet dhe motivet e ngjarjes.
