Një ngjarje e rëndë ka ndodhur mëngjesin e sotëm në qytetin holandez në Utrecht, ku një burrë i armatosur ka shtënë ndaj disa njerëzve. Ngjarja ka ndodhur brenda një tramvaji, ndërsa policia informoi shkurt në Twitter:
“Incident me të shtëna në sheshin “24 October”. Disa njerëz të plagosur. Mbështetja ka filluar t’u jepet të lënduarve”.
Sipas gazetarëve lokalë në ngjarje, dëshmitarët kanë raportuar se një burrë brenda tramvajit ka nxjerrë një armë duke qëlluar disa njerëz, shkruan The Sun.
Urgjenca ka mbërritur menjëherë në vendngjarje, ku jep ndihmën e parë në tramvaj. Nuk dihet ende nëse ka viktima, ndërsa autori ka arritur të largohet nga vendi i ngjarjes. Policia ka nisur kërkimet. Po ashtu, në vendngjarje kanë mbërritur tre helikopterë urgjence./ Përshtati Tirana Today
