Një ditë më parë, Bejruti u trondit nga shpërthimi masiv që shkaktoi më shumë se 100 viktima dhe 4 mijë të plagosur.
Shpërthimi në fjalë është provokuar nga një zjarr në një depozitë të portit të Bejrutit, ku ishin të magazinuara 2 mijë e 750 tonelata nitrat amoni, të sekuestruara nga një anije vite më parë. Këtë e ka konfirmuar presidenti Michel Aoun, i cituar nga BBC.
Sipas autoriteteve kemi të bëjnë me një incident të rëndë, që ka ndodhur në një situatë pa kontroll.
E kjo ndodh në një vend që është i tronditur nga tensione politike e sociale të mëdha, për të cilat vetë presidenti Donald Trump ka dhënë versionin e tij.
“Kam takuar gjeneralët tanë dhe duket se nuk është një incident industrial. Duket, sipas atyre, që është një atentat”, është shprehur presidenti amerikan Donald Trump.
