Ish-Miss Shqipëria, Suada Sherifi, është bashkëshortja e Eldi Dizdarit, i cili është shpallur në kërkim nga policia për ngjarjen e ndodhur në datën 4 tetor në ish-Bllok, ku mbeti i vrarë Fabiol Gaxha.
Dyshohet se biznesmeni Dizdari ka pasur konflikt me Ervin Matën, për një sasi kokaine. Në një intervistë të 2016-ës për “Gazetën Shqiptare”, Suada Sherifi ka treguar se si është njohur me bashkëshortin:
Si jeni njohur?
“Unë isha një vajzë single, kisha kohë që isha vetëm dhe në të gjithë morinë e njerëzve që tentonin, nuk kisha asnjë lloj interesi. Mirëpo nuk e di pse, por që në momentin e parë që ai erdhi në jetën time, më ka pëlqyer. Ishte ai entuziazmi që mendoja se nuk do ta kisha kurrë, apo buzëqeshja dhe sytë me zemra që kisha humbur, shpresat se mund t’i kisha. Çdo gjë filloi natyrshëm, sepse kur është dëshira e mirë, gjërat janë shumë të thjeshta, shumë të lehta dhe shumë të bukura”.
