Serbia është goditur nga një stuhi e fuqishme, teksa sipas Institutit Hidrometerologjik pritet që edhe kryeqyteti Beograd dhe pjesa qendrore e vendit, të përfshihen nga erëra të forta dhe shira të rrëmbyeshëm.
Në dy orët e ardhshme, parashikohet një mot i paqëndrueshëm, me erëra të forta, shira që mund të sjellin përmbytje dhe stuhi afatshkurta, shkruan B92.
“Kjo është e paprecedentë, nuk ka patur stuhi të tillë më parë. Rrugët ishin krejt të bardha në një moment, dhe akulli mund të mblidhej me lopata. Stuhia gjithashtu hoqi pllakat në disa shtëpi”, u shpreh një qytetar nga Çaçak.
Për shkak të fuqisë së erës, edhe pemët më të pjerrëta po përkulen. Në disa zona, është ndërprerë edhe energjia elektrike. Stuhia mbuloi grurin në shumë zona, dhe gjithashtu ka shkaktuar dëme të mëdha në pemëtari.
