Pasditja e sotme ka sjellë një mot të keq në Elbasan, ku reshjet e dendura të shiut janë shoqëruar me stuhi breshëri të cilat kanë shkatërruar masivet me qershi, vreshta dhe ullishte në disa zona.
Kanë mjaftuar vetëm 30 minuta, që të shkaktohen dëme të mëdha në prodhim, ku dëme më të mëdha janë shkaktuar në Njësinë Administrative Labinot Fushë. Ndërsa, dëme ka pasur dhe në njësi të tjera administrative të Elbasanit.
Autoritetet e zonës kanë vënë në dijeni për këto reshje dhe pasojat e saj edhe agjencinë rajonale të shërbimit veterinar dhe mbrojtjes e bimëve si edhe Shtabin e Emergjencave në Prefekturë, me qëllim verifikimin e dëmeve në terren, raporton BW.
Madje mësohet se breshëri ka dëmtuar shumë xhama makinash si edhe panele diellore. Dëme të pallogaritshme raportohen në fshatrat Godolesh , Labinot dhe Bixelle.
