Këto pamje të cilat nuk kanë nevojë për shumë komente, kanë sjellë një bilanc tragjik në Turqi. 13 viktima raportohen nga autoritetet, ndërsa stuhia e borës ka sjell kaos në mbarë vendin.
Prej më shumë se 24 orësh, Turqia është përfshirë nga një mot i keq, ku temperaturat e ajrit kanë rënë deri në minus 20 gradë celcius, duke shkaktuar probleme në qarkullim.
Liqenet janë ngrirë në pothuajse të gjithë pjesën verilindore të Turqisë. Ndër zonat më të prekura janë Sivasi dhe Hopa.
Autoritetet thanë se 13 refugjatë humbën jetën pasi kaluan ilegalisht në territorin turk nga kufiri me Iranin. Termometri shënoi temperatura siberiane deri në minus 40 gradë Celsius në qytezën lindore Gële. Rrëshqitshmëria në rrugë si pasojë e ngricave, ka shkaktuar dhjetëra aksidente gjatë këtyre ditëve.
Në Europë ka arritur në 9 numri i viktimave të stuhisë së fuqishme Kiara, me shpejtësi ere mbi 140 km/orë, duke shkaktuar dëme të konsiderueshme thuajse në të gjitha vendet e Europës Veriore e Qendrore.
Mijëra fluturime e udhëtime hekurudhore janë anuluar. Ndërsa vala e motit të keq po i afrohet juglindjes së kontinentit dhe pritet të përfshijë edhe Shqipërinë.
