Në bazë të një studimi sa i përket vendeve në lidhje me lumturinë, optimizmin dhe pritshmëritë për këtë vit, Shqipëria futet në vendet të cilat kanë një optimizëm të theksuar, ndërsa shqiptarët presin më shumë nga 2018-shkruan Tirana Today.
Gjithashtu optimizmi mbizotëron edhe në Kosovë, ndërsa vendet si Greqia dhe Italia kanë pësuar lëkundje në pritshmëritë pozitive. Sipas një studimi nga “Gallup International” Ishujt Fixhi është vendi më i lumtur në botë, e ndjekur nga Kolumbia dhe më pas Filipinet-shkruan Tirana Today.
Në bazë të një vrojtimi vjetor në 41 anketa globale, ndërsa si periudhë studimi ka qenë periudha nga tetori në dhjetor të 2017. Nga 55 shtete në tërësi, studimi ka përcaktuar se lumturia varet më shumë nga aspekte të tilla si mosha, niveli arsimor, të ardhurat dhe mënyra e jetesës së një vendi. Lista e vendeve më të lumtur në botë është drejtuar Ishujt Fixhi, e ndjekur nga Kolumbia, Filipinet, Meksika, Vietnami, Kazakistani, Papua Guinea e Re, Indonezi, Indi dhe Argjentina dhe Holanda–shkruan Tirana Today.
Rezultatet e përgjithshme tregojnë se 59% e të anketuarve thanë se ndiheshin të lumtur, ndërsa 28% e konsideronin veten neutrale, 11% të pakënaqur dhe 2% nuk dinin ose nuk përgjigjen.
Optimizmi ekonomik
Sa i përket optimizmit ekonomik, 28% ishin optimistë rreth asaj se çfarë do të sjellë 2018, ndërsa 30% e kanë deklaruar veten pesimistë, 36% janë neutralë dhe 6% e mbetur nuk janë përgjigjur. Së fundi, indikatori i shpresës përcaktoi se 39% besojnë se ky vit do të jetë më i mirë se 2017, 23% më keq, 32% ishin neutral as po dhe as jo dhe 6% nuk dinin të jepnin përgjigje-Studimi i Gallup International.
Optimizmi për të ardhmen
Në këtë artikull, vendet më optimiste ishin Indonezia, Nigeria, Fiji, Bangladesh, Indi, Vietnam, Shqipëria, Kosova, Filipinet dhe Suedia, ndërsa më pesimistët ishin Italia, Greqia, Bosnja, Irani, Meksika, Papua Guinea e Re , Poloni, Turqi, Koreja e Jugut dhe të lidhur në vendin e dhjetë Ukraina, Letonia dhe Afrika e Jugut. Kompania tregoi se gjithsej 53,769 njerëz u intervistuan në mbarë botën, me një kampion përfaqësues prej rreth 1,000 persona të dyja gjinive. Niveli i këtij studimi, ka një besueshmëri rreth 95 për qind, pasi metodologjia dhe teknikat e studimit bazohen në kampione përfaqësuese, ndërsa përllogaritja është bërë në mënyrë të saktë dhe korrekte. PËRSHTATI TIRANA TODAY
