Ndonëse vaksinat po bëhen më të disponueshme në SHBA, mbrojtja kundër përhapjes asimptomatike dhe para-simptomatike të virusit SARS-CoV-2, që shkakton Covid-19, mbetet thelbësore për t’i dhënë fund pandemisë, thonë dy ekspertë të sëmundjeve infektive në Universitetin e Xhorxhtaunit.
Në studimin e tyre të titulluar “Transmetimi i SARS-CoV-2 pa simptoma” botuar në revistën “Science”, ekspertët Anxhela Rasmusen, Saskia Popescu, mendojnë se transmetimi pa simptoma dikton në heshtje përhapjen e virusit dhe është thelbësor për t’i dhënë fund pandemisë.
“Përcaktimi i aftësisë së vërtetë të transmetimit të rasteve asimptomatike dhe para- simptomatike, është në vetvete një detyrë shumë komplekse. Por boshllëqet e njohurive, nuk duhet të shmangin fokusin nga pranimi i rolit të tyre në përhapjen e SARS-CoV-2”- shkruajnë autorët.
“Ne nuk mund të mbështetemi vetëm tek vaksinimi për ta vënë nën kontroll pandeminë aktuale”- thotë Rasmusen. “Vaksinat janë një mjet i shkëlqyer për t’i mbrojtur njerëzit nga sëmundjet. Por ne nuk e dimë akoma se sa mirë funksionojnë ato për t’i mbrojtur nga transmetimi i virusit”- shton ajo.
Rasmusen thekson se nga një perspektivë biologjike, nuk do të kishte gjasa që një vaksinë anti-Covid që mbron mirë nga sëmundja, të mos mbrojë dot edhe nga infeksioni. “Por ashtu si vaksinat nuk ofrojnë një mbrojtje 100 për qind kundër sëmundjes, gjithashtu ato nuk kanë 100 për qind gjasa që të mbrojnë nga transmetimi i koronavirusit”- thekson virologjia.
Përveç kësaj, ndërsa vaksinat thuhet se do të bëhen të disponueshme gjerësisht në SHBA deri në verën e këtij viti, ky nuk është rasti në pjesën tjetër të botës ku pandemia vazhdon e pandërprerë.
“Transmetimi asimptomatik dhe ai para-simptomatik, paraqet një sfidë unike për shëndetin publik si dhe për përpjekjet për parandalimin e infektimit. Tek e fundit kjo është diçka që do të na duhet për të qenë vazhdimisht vigjilentë,ndërsa kalojmë në fazën tjetër të pandemisë së Covid-19, dhe një reduktim të sëmundjes për shkak të vaksinimeve”- thekson Popesku.
Rasmusen dhe Popesku theksojnë në fund se zbatimi i shumë-përhapur i masave mbikëqyrëse dhe epidemiologjike do të na ndihmojë të zhdukim vatrat më të mëdha të infeksionit, por sipas tyre pandemia e Covid-19 nuk mund të zhduket plotësisht.
Burimi i lajmit: https://medicalxpress.com/news/2021-03-vaccines-pandemic.html
Përshtatur nga TIRANA TODAY
