Përballë sëmundjes së Covid-19 të shkaktuar nga koronavirusi i ri, gratë duket se janë seksi më i fortë, duke vuajtur rreth 50 për qind më pak nga forma e rëndë e kësaj sëmundje, në krahasim me burrat.
Deri më sot arsyeja ka qenë e pakuptueshme. Tani, një eksperiment i kryer nga një studiues i okulistikës në “Duke Health”, ka hedhur më shumë dritë mbi këtë mister:Gratë kanë më shumë një lloj të caktuar qelizash imune, që luftojnë infeksionet në indet e mukozës. Ato grumbullohen në masë në mushkëri, të gatshme për ta sulmuar virusin.
“Duke qenë më të armatosura me këto qeliza të specializuara imune, gratë duket se janë
më të mirë-pajisura për të luftuar disa nga pasojat më të rënda të Covid-19, sidomos infeksionet e frymëmarrjes, të cilat mund të bëhen të rrezikshme për jetën”- thotë Daniel Saban, profesor i asociuar në Departamentin e Okulistikës dhe në Departamentin e Imunologjisë në “Duke Health”.
Saban, që drejtoi studimin e botuar në revistën “Cell Press Med”, tha se investigimi nisi pranverën e vitit të kaluar kur koronavirusi po përhapej për herë të parë, por u la pas dore
për shkak të ngarkesës që kishte me studimet për sëmundjet e syve.
Një pjesë e pajisjeve në laboratorin e tij – një pajisje që mund të kryejë citometri me 36 ngjyra të ndryshme – kishte mbetur bosh, ndaj ai vendosi ta përdorë atë, për të ekzaminuar mostrat e gjakut nga të sëmurët me Covid-19.
“Ne nuk e filluam studimin me ndonjë hipotezë. Qasja jonë ishte krejtësisht e paanshme, ku ne u kërkuam kolegëve tanë të siguronin mostra gjaku dhe indesh nga pacientët me Covid-19, si dhe nga njerëz të shëndetshëm. Ne nuk kishim idenë se çfarë do të gjenim, dhe nëse kishte ndonjë gjë”- tha ai
Saban dhe anëtarët e laboratorit të tij, duke përfshirë Çen Ju dhe Sexhiro Litëllton, vunë re se një qelizë e bardhë e gjakut e quajtur qeliza T e pandryshueshme e shoqëruara nga mukoza, ose qeliza MAIT, qarkullonte më me bollëk në gjakun e grave të shëndetshme, në krahasim me burrat e shëndetshëm.
Qelizat MAIT janë qeliza të bardha të gjakut shumë të specializuara, që kontribuojnë mbrojtjen imune të organeve dhe indeve të mukozës. Gjithsesi, midis pacientëve me Covid-19, kishte pak qeliza MAIT që qarkullonin në gjak, madje edhe midis grave, ku popullata e qelizave MAIT binte dukshëm, gjë që i nxiti studiuesit të pyesin se ku kishin shkuar ato qeliza.
Dhe ata e gjetën përgjigjen e tyre tek mostrat e indeve të marra nga mushkëritë e pacientëve të prekur nga kjo sëmundje. Në përgjithësi, në indin e mushkërive të njerëzve me Covid-19, kishte një bollëk me qelizat MAIT. Por pas një vëzhgimi më të afërt, ata gjetën ndryshime midis gjinore, që ndryshonin natën dhe ditën.
“Qelizat MAIT që ishin në qarkullim në gjakun e grave, i shprehin gjenet tregues në një profil më të fortë, të gatshëm për të luftuar një infeksion. Por kjo nuk ndodhte tek meshkujt. Pastaj ne pamë indet, dhe ishim në gjendje të gjenim prova të të njëjtit model sipas gjinisë”- theksoi Saban.
Saban tha gjithashtu se ekzistojnë shumë shembuj të ndryshimeve midis 2 gjinive në përgjigjet imune ndaj infeksioneve të ndryshme, duke vërejtur se këto ndryshime kanë qenë mbizotëruese edhe në rastin e Covid-19.
“Gjetjet e studimi tonë, zbulojnë një profil mbrojtës specifik për femrat, pikërisht për shkak të qelizave MAIT. Potencialisht kjo mund të ndihmojë në zhvillimit të trajtimeve dhe terapive te ndryshme”- tha ai.
burimi: https://medicalxpress.com/news/2021-04-women-equipped-covid.html
Përshtatur për Tirana Today
