Një studim i zhvilluar së fundmi në Britaninë e Madhe ka dalë në përfundimin se një pjesë e mirë e qytetarëve britanikë nuk do ta pranonin vaksinën për koronavirusin.
Sipas mediave britanike, rreth 27% e personave të pyetur nëse do ta pranonin vaksinën për Covid-19, kanë dhënë përgjigje negative.
Studimi, i bërë nga agjencia e kërkimit ORB International i pyeti britanikët nëse binin dakord me deklaratën pasuese: “Unë nuk do të doja që të vaksinohesha me vaksinën e Koronavirusit nëse një vaksinë e cilësisë e lartë do të ishte e disponushme.”
Të paktën 13 për qind e atyre që u përgjigjën thanë “jo”, ndërsa 14 për qind të tjerë shtuan se nuk ishin të sigurt nëse donin që të vaksinoheshin.
“Të dhënat që sugjerojnë se shumë njerëz mund ta refuzojnë vaksinën janë shumë shqetësuese dhe në fakt shumë egoiste. Nëse kemi gati një vaksinë efektive, dhe pothuajse të gjithë e bëjnë, gjatë natës të gjitha kufizimet mund të hiqen dhe jeta mund t’i kthehet normalitetit. Ka shumë keqinformim në internet”, tha profesori Paul Hunter për mediat.
Një gjë tjetër që u vu re ishte se 16 për qind e grave nuk pranuan që ta bënin vaksinën, në krahasim me 12 për qind të meshkujve që refuzuan.
