Ish-kryeministri Sali Berisha ka reaguar pas arrestimit të dy të rinjve që tentuan të godasin me bojë kryebashkiaku Erion Veliajn gjatë festimeve të Ditës së Verës. Ai ka akuzuar policinë e shtetit se ka arrestuar “studentin hero” që sipas tij qëlloi me bojë Veliajn.
Berisha i quan policët si “narkohorra”, ndërkohë që përgëzon studentin që sipas tij bëri më bojë Erion Veliajn.
“Arrestohet nga narkohorra me uniforme studenti hero i protestave qe bojatisi sot Lal Plehun! I lumte! Sb”, shkruan Berisha.
Dy të rinj tentuan të godasin më bojë kryebashkiakun Veliaj, ndërkohë që ai sapo mbaroi fjalimin e tij për nisjen e festimeve për Ditën e Verës. Të rinjtë u arrestuan nga policia e shtetit, ndërkohë që ende nuk janë publik identiteti i tyre.
