PDIU është në mbështetje të plotë të studentëve, duke refuzuar çdo akt arrogance e keqtrajtimi. Duke parë të gjithë mobilizimin nga ana e të rinjve, PDIU thotë se ende ka shpresë. Sot në mbarë vendn studentët u ngritën në protesta masive, për plotësimin e kërkesave të tyre. Ato janë:
Anulimi i VKM për tarifa shtesë.
Përgjysmimi i tarifës së studimit.
Përmirësimi i kushteve të konvikteve.
Bordi i Administrimit të ketë numër të barabartë votash mes fakulteteve dhe Ministrisë së Arsimit, duke shtuar një përfaqësues nga studentët në bord.
Ja deklarata e plotë:
“Studentët ishin ata që rrëzuan regjimin komunist, kërkesat e tyre duhen plotësuar. Sot Tirana dhe disa qytete të Shqipërisë u ndezën nga prania e dhjetra mijëra studentëve që kërkonin të drejtat e tyre.
Studentët ishin ata që rrëzuan regjimin komunist, e si brezi me idealist i shoqërisë shqiptare kanë një status të paprekshëm, e janë mbi të gjitha palët. Kërkesat e tyre duhen dëgjuar e duhet plotësuar çdo kusht që rinia të shkollohet mirë, e të ketë një të ardhme në këtë vend.
PDIU mbështet protestën e studentëve, e deklaron se do të mbështesë çdo protestë të tyre sot e në vazhdim, duke refuzuar çdo akt arrogance e keqtrajtimi këtij brezi të mrekullueshëm të rinjsh. Gjithshka për të rinjtë. Dhjetori u kthye. Ky vend ka ende shpresë”.
