Pasi kërkoi ndryshim të masës së sigurisë “arrest me burg”, reperi i njohur Arkimed Lushaj, ka hequr dorë nga ankimimi. “Dua të rri në burg. Nuk kam besim tek drejtësia”, mësohet të jetë shprehur ai përmes avokatit të tij.
Stresi mbahet në qelitë e paraburgimit që prej datës 17 shtator, kur u arrestua për “armëmbajtje pa leje”. Dhe siç deklaroi zyrtarisht policia, akuzohej si pjesë e një grupi kriminal.
Arrestimi i Stresit erdhi pas një përgjimi të Prokuroisë së Krimeve të Rënda, në lidhje me grupin Bajri. Stresi është përgjuar teksa ka thënë se ia kishte hedhur forcave “Shqiponja”, pasi kishte hedhur armën në momentin kur ishin afruar efektivë në afërsi të shkollës “Partizani”. Pas këtij përgjimi, në momentin ku i ekzekutohej kjo masë, policia i gjeti në hotel edhe një armë tjetër.
https://tiranatoday.com/stresi-ne-qeli-vjehrra-e-tij-do-kercej-per-te/
