Sekretari i përgjithshëm i NATO-s, Jens Stoltenberg, deklaroi sot në Shkup se Maqedonisë iu hapët dyert për anëtarësim në NATO pas nënshkrimit të marrëveshjes për emrin ne Greqinë.
“Do të mbani referendum, ky është vendimi juaj, por ju ftoj të na dëgjoni zërin. Ky është një shans për stabilitet dhe siguri në rajon, që të anëtarësoheni. Ne jemi të gatshëm që të presim vendin tuaj si anëtare e NATO-s. Ju inkurajoj që të vazhdoni reformat, kjo ju bën më të fortë. Ne dëshirojmë të shohim suksesin e vendit tuaj, ne do të ju mbështesim juve. Ardhmëria juaj është në duart tuaj, ju presim në NATO”, deklaroi Stoltenberg, gjatë konferencës së përbashkët për gazetarë me kryeministrin Zoran Zaev, transmeton shenja.
Stoltenberg ka thënë se ka pasur “takime të ngrohta” edhe me presidentin Ivanov dhe me kreun e VMRO-së, Mickoski. “Mesazhi që ua përcolla është se ku është mundësi historike për t’u anëtarësuar në bashkësinë ndërkombëtare, BE dhe NATO, por edhe se duhet te pranojnë marrëveshjen me Greqinë, pasi nuk ka zgjidhje tjetër. Refuzimi i marrëveshjes dhe mbështetja e eurointegrimeve është iluzion. Ne ju kemi pritur me dhjetëra vjet. Nëse vendosni të mbështesni marrëveshjen e emrit ju mund të uleni në ulësen e NAT-s”, deklaroi Stoltenberg.
