Stilisti Alviero Martini është kthyer ndër më të preferuarit për shqiptarët, ndërsa prej vitesh operon suksesshëm në tregun shqiptar. Në një lidhje ‘Skype’ në programin ‘Ftesë pa 5’, stilisti 70 vjeçar rrëfeu nga karantina e tij në Milano, se si një stilist aq i njohur po e përjeton izolimin në shtëpi. I ndodhur në karantinë prej 25 ditësh, Alviero tregoi se duke qenë se nuk e ka zonjën që i mirëmban shtëpinë, është i detyruar që të bëjë vetë punë shtëpie.
Gjatë bisedës, stilisti i njohur tha se e pranoi me kënaqësi ftesën për të marrë pjesë në një program shqiptar, pasi edhe ai thotë gjithmonë se ndihet pak shqiptar.
Zanafilla e ‘të ndjerit shqiptar’, tek Alviero daton që herët, kur ai ende nuk kishte ardhur në jetë. Babai i tij ka qëndruar në Shqipēri gjatë Luftës së Dytë Botërore, dhe krijoi miqësi me një prift shqiptar.
Prifti i kishte thënë të atit të stilistit se nëse një ditë do të bënte një djalë, emrin t’ja vinte Alviero. Dhe ashtu ndodhi. Z. Martini, në shenjē vlerësimi për miqësinë me shqiptarin, e quajti të birin pikërisht Alviero.
