Manchester City shkatërroi në ndeshjen e parë të vlefshme të Champions League, Baselin e taulant Xhakës me rezultatin 0-4. Mund të thuhet se anglezët e kanë siguruar çerekfinalen e këtij kompeticioni, duke pasur parasysh që ndeshja e radhës do të zhvillohet në Angli.
Pas ndeshjes një nga lojtarët më të komentuar është Raheem Sterling, jo për paraqitjen në fushë, por për atë në rrjetet sociale. Anglezi ka ironizuar me lojën e ashpër të Taulant Xhakës, i cili gjatë një aksioni në tentim për të ndalur yllin e Man Cityt e ka kapur me dy duart nga pas.
Sterling ka postuar një fotografi në Twitter ku ka shkruar: “Çfarë force, çfarë force”, kjo për të treguar se është i pandalshëm.
“Kur nuk dëshiron të jesh vetëm më 14 shkurt“, shkuan Fox në shaka. Shakaja e ish-anësorit të Liverpoolit është pëlqyer dhe është shpërndarë pastaj shumë në rrjetet sociale.
Xhaka ishte lojtari më i mirë te Baseli, kurse Sterling me një asistim në ndeshje ishte në mesin e lojtarëve që bënë një paraqitje mesatare.
Ndeshja e kthimit do të luhet me 7 mars, do të shikojmë se si do të përgjigjet Xhaka në fushë. Duke e njohur karakterin e tij, ndoshta edhe Sterling nuk do të shpëtojë lehtë.
