Instituti i statistikave ka publikuar raportin mbi aksidentet rrugore të muajit qershor 2017.
Sipas këtyre të dhënave, rezulton se në qershor kanë ndodhur 185 aksidente, si pasojë e të cilëve kanë vdekur 12 persona.
Në 73% të rasteve, këto aksidente kanë ndodhur si pasojë e sjelljes së drejtuesit të mjeteve.
Gjithashtu, në raport rezulton se numri më i lartë i aksidenteve është kryer nga grup mosha 16-25 vjeç, duke zënë 24.3% të numrit të aksidenteve rrugore.
Numri i të aksidentuarve në qershor, është afërsisht 8 persona në 100.000.
Për sa i përket gjashtë mujorit të parë të 2017-ës, aksidentet rrugore të cilat kanë ndodhur si pasojë e sjelljes së drejtuesit të mjetit zënë 79,9 % të rasteve.
