70 persona janë paraqitur në spitalin e Bajram Currit ditën e djeshme, pasi janë helmuar nga ushqimi që kishin konsumuar në një lokal në lagjen “28 Gushti”, në Tropojë.
Në pranga ka përfunduar pronari i restorantit, shtetasi Dashmir P., 47 vjeç, banues në Gjakovë.
Mësohet se janë kryer veprimet proceduriale në bashkëpunim me specialistët e AKU-së, Drejtorisë së Shëndetit Publik Tropojë, ku janë marrë mostrat për kryerjen e ekzaminimeve përkatëse.
Materialet i kaluan Prokurorisë së Rrethit Gjyqësor Tropojë, për veprat penale “Prodhimi dhe shitja e ushqimeve dhe e lëndëve të tjera të rrezikshme për shëndetin” dhe “Kontrabanda me mallra të tjera”, parashikuar nga nenet 288 dhe 174 të K.Penal.
