Gjashtëdhjetë e gjashtë vite më parë, ndërroi jetë udhëheqësi diktatorial i Bashkimit Sovjetik, Josif Stalin. Sipas variantit zyrtar, ai pwsoi hemoragji celebrale në tru natën midis 28 shkurt dhe 1 marsit 1953, duke vdekur pas 4 ditësh lëngimi në shtrat. Por shumë historianë, vendas dhe të huaj, dyshojnë se ai u eleminua nga bashkëpunëtorët e tij më të ngushtë të Byrosë Politike.
Historiani rus Edvard Radzinski, i bazon dyshimet e veta, në dëshminë e rojave të sigurisë së Stalinit. Pasi kishte pirë deri në mesnatë në vilën e tij në periferi të Moskës, i shoqëruar ng Lavrenti Beria, Nikita Hrushovi, Nikolai Bulganini dhe Georgi Malenkovi, truproja kryesore Krustalev, udhëroi rojet e tjera të ikin të flejnë gjumë. Pjotwr Lozhgaçev, një nga rojet atë natë, iu duk i dyshimtë ky veprim, aq më tepër në emër të Stalinit që ishte i fiksuar për sigurinë e vet. Kur në mëngjes, Stalini nuk po dilte nga dhoma, rojet të shqetësuar lajmërojnë shokët e tij të pijeve dhe Byrosë.
Ata u habitën nga vonesa e reagimit të tyre. Radzinski dyshon se atë natë Stalini u helmua nga Krustalev, nën urdhrat e padronit të tij, shefit të KGB-së Lavrenti Beria. Stalini kishte disa muaj, që po përgatitej të niste Luftën e Tretë Botërore. Ai po planifikonte të internonte të gjithë hebrenjtë në Siberi, për të provokuar reagimin e SHBA-së. Por njerëzit pranë tij, u tmerruan nga ky skenar.
Ata e kuptonin se Bashkimi Sovjetik, me një ekonomi ende të rrënuar nga lufta, nuk mund të përballej me një fuqi si Shtetet e Bashkuara. Ndaj vendosën ta hiqnin qafe, para se ai t’i hiqte qafe të gjithë me planin e tij të çmendur.
