Ministrja e Shëndetësisë, Ogerta Manastirliu, njoftoi një ditë më parë se nga 1 tetori do të hapen ambientet e brendshme të lokaleve dhe bareve që kanë qenë të mbyllura që nga 18 maji, si dhe pishinat e mbyllura. Stafi i tyre duhet të respektojë masat dhe rregullat anti Covid, dhe të jetë i pajisur me maska dhe doreza, gjithnjë duke mbajtur distancën.
Në lidhje me situatën me pandeminë, kantautori i njohur Elton Deda ka shumë pakënaqësi ndaj shtetit. Në një lidhje për emisionin “ABC e Mëngjesit”, ai deklaroi se artistët e muzikës live nuk kanë asnjë mbështetje nga shteti. Ai e cilësoi mjaft absurde këtë situatë, për sa kohë që shqiptarët përqafohen dhe puthen në rrugë, ndërsa në lokale për muzikë nuk lejohen.
“Ka vend për tu rishikuar mundësia e hapjes së lokaleve live. U bë 8 muaj që qyteti jeton në këtë mënyrë, duke qenë edhe moti me shi, më bën të zymtë.
Nuk duhet të trajtohemi kështu. Përderisa po lejohen bizneset. Unë jam pro hapjes, ashtu siç kam qenë pro mbylljes. Ne muzikën e kemi profesion dhe prandaj duhemi kuptuar. Prandaj edhe reagova.
Ca janë të mbyllura, ca aktivite janë të hapura. Akti normativ nuk funksionon kështu. Nuk është faji jonë të rrimë të mbyllur. Qeveria duhet të marrë masa. Të bëjë një paketë në mbështetje të artistëve. Me thënë të drejtën, artistët aq sa e kërkojnë artin ta bëjnë bashkërisht, aq edhe krijesa të çuditshme janë të bërit bashkë. Nuk jam i bindur nëse ne po bëjmë bashkë. Unë shpresoj, po nuk mjafton vetëm vullneti i Eltonit, po duhet i të tjerëve.
Në momentin që t’i ndalon muzikën dhe ndërkohë 90% e shqiptarëve puthen dhe përqafohen në rrugë. Nuk është e drejtë. Ky nuk është halli i popullit, duhet të dëgjohemi. Duhet të jetë komiteti i ekspertëve që të dëgjohen edhe hallet tona.
Shumë artistë, kolegë të mitë janë drejt falimentit si financiar ashtu edhe shpirtëror. Nuk punojmë për qejf që ditën taksistë dhe natën këndoj për qejf. Jo më jo, ne e kemi profesion.
Kategoria jonë nuk është ndihmuar fare, zero, zero. Dërgo letra, zero. Këtu fillon njeriu çmendet fare. Është gjithçka e zymtë. A ka njeriu më ndjenjë, më moral”, tha Deda.
