Komiteti Olimpik Kombëtar Shqiptar (KOKSH), me anë të një postimi në faqen zyrtare në Facebook, ka përcjell një lajm të hidhur, ku njofton se është ndarë nga jeta notari Klavio Meca në moshën 24-vjeçare.
Sportisti Klavio Meca, ka pasur një sërë arritjesh sportive, ku në Budapest të Hungarisë ka vendosur një rekord të ri kombëtar në 400 m stil i lirë, me kohën e përgjithshme 4’04”03. Komiteti Olimpik Kombëtar Shqiptar, i shpreh ngushëllime familjes dhe komunitetit sportiv.
Njoftimi
Një lajm i pabesueshëm na erdhi si bombë për ndarjen nga jeta të sportistit shqiptar Klavio Meca në moshën 24 vjec. Nuk gjejmë fjalë për të shprehur dhimbjen e madhe…
Kujtojmë që notari Klavio Meca, ka pasur një sërë arritjesh sportive ndërsa vecojmë se në Budapest të Hungarisë ka vendosur një rekord të ri kombëtar në 400 m stil i lirë me kohën e përgjithshme 4’04”03. Ishte një djalë i shkëlqyer me sjellje shembullore dhe disiplinë sportive.
KOKSH i shpreh ngushëllime familjes dhe komunitetit sportiv. U prehsh në paqe kampion! Do të na mungosh…!
