Dominik Windisch, sportisti italian i garave për ski dhe pushkë ka bërë një gjest fantastik për të fejuarën e tij. Ai ia kishte premtuar Julias që kur fitoi medaljen e bronztë në Lojërat Olimpike “Pyeongchang 2018” se ai do ta shkrinte atë për të bërë unazën e fejesës. Në këtë Olimpiadë, italiani fitoi dy medalje të bronzta dhe njërën prej tyre e përdori për të përgatitur unazën.
Ideja i kishte ardhur që pas Olimpiadës dhe gjatë verës, kampioni italian kishte kryer disa takime në fshehtësi me familjen Gamper, që prodhojnë unaza të firmës “Tiroler Goldschmied”, në Merano.
Emocionet dhe puna e madhe për të fituar këtë medalje tashmë është përjetësuar në këtë unazë, që do ta lidhë Windisch përjetë me njeriun e zemrës.
