Federata Shqiptare e Basketbollit ka njoftuar ndarjen nga jeta të arbitrit Daniel Aliaj, të cilin e cilësonin si një djalë energjik dhe me shumë ambicie.
Ky është një lajm i trishtë për basketbollin shqiptar, ku arbitri Daniel Aliaj u shua në moshën 24-vjeçare.
Danieli do të mbahet mend si djali energjik dhe me shumë dëshira për të avancuar në gjykimin e ndeshjeve, ambicioz duke ndjekur kolegët e tij më me eksperiencë.
Njoftimi
Një lajm i trishtë që kurrsesi nuk do donim të ndanim, ndërron jetë Daniel Aliaj në moshën 24 vjeçare.
Dhimbje për familjen, dhimbje për shoqërinë dhe për komunitetin e basketbollit që e njohu së fundmi si gjyqtar.
Djali energjik dhe me shumë dëshira për të avancuar në gjykimin e ndeshjeve, ambicioz duke ndjekur kolegët e tij më me eksperiencë!
Sa shumë kishe për dhënë akoma Daniel!
Qofsh i parajsës, i përjetshëm kujtimi yt!
