Komentatori sportiv, gazetari dhe zëri simbol i TVSH, Vladimir Grillo, është shuar në moshën 74-vjeçare.
Ndarja nga jeta e Vladimir Grillos, ka shokuar anëtarë të komunitetit të futbollit dhe jo vetëm.
Prej dy vitesh, Grillo vuante nga një sëmundje e rëndë. Me mbi 40 vjet eksperiencë në ekran, ai ishte kthyer në një ikonë të gazetarisë televizive sportive.
Ylli i gazetarisë ngriti në një dimension tjetër Rubrikën Sportive në RTSH, dhe e vazhdoi për disa dekada. Ai do të mbahet mend për mijëra kronika e transmetime.
